Ekriti pou Referans: Ekriti sa yo sèvi kòm yon rapèl: Ou kapab pèdi sali ou

Ebre 3:6

Men, Jezikri te fè travay li tankou yon pitit Bondye te mete chèf kay li. Se nou menm ki kay Bondye a, depi nou pa janm dekouraje, depi nou pa janm pèdi konfyans, depi nou pa janm wont sa n'ap tann lan.

Ebre 3:12-14

Frè m' yo, atansyon pou okenn nan nou pa rive gen move santiman nan kè l' ki pou fè l' pèdi konfyans nan Bondye, pou lè sa a, li pa vire do bay Bondye vivan an. Okontrè, chak jou, se pou nou yonn ankouraje lòt toutotan n'ap viv nan epòk Liv la rele jòdi a. Piga nou yonn kite peche detounen nou, pou lè sa a nou pa rive nan kenbe tèt ak Bondye. Paske, nou se moun k'ap mache ansanm ak Kris la, depi nou kenbe fèm nan konfyans nou te genyen depi nan konmansman an jouk sa kaba.

Ebre 6:4-6

Moun ki te resevwa limyè Bondye a yon fwa deja, yo te goute kado Bondye te ba yo a, yo te resevwa pòsyon pa yo nan Sentespri Bondye a. Yo te goute pawòl Bondye a, yo te wè l' te gou. Yo te santi nan lavi yo pouvwa k'ap travay nan tan k'ap vini an. Apre sa, si yo voye konfyans yo nan Bondye jete, pa gen mwayen pou yo tounen vin jwenn Bondye ankò. Paske, yo kloure Pitit Bondye a yon dezyèm fwa sou kwa a. Yo fè l' wont devan tout moun ankò.

Ebre 10:26–29

26 Paske si nou fè peche volontèman apre nou fin resevwa konesans verite a, pa gen okenn lòt sakrifis ki rete ankò pou peche yo,

27 men sèlman yon atant ki plen laperèz pou jijman an, ak yon kòlè k ap boule tankou dife ki pral devore advèsè yo.

Ebre 10:26-29

28 Nenpòt moun ki meprize lalwa Moyiz la mouri san mizèrikòd sou temwayaj de oswa twa temwen:

29 Dapre nou, ki pinisyon ki pi grav ankò moun ki foule Pitit Bondye a anba pye l, ki konsidere san kontra a ki te sanktifye l la kòm yon bagay òdinè, epi ki ensilte Lespri gras la ap merite?

Ebre 10:35-39

Pa pèdi lasirans nou te genyen an. Paske, gen yon gwo rekonpans ladan li. Men, nou bezwen pasyans pou nou ka fè sa Bondye vle, pou nou ka resevwa sa l' te pwomèt la. Paske, men sa ki ekri nan Liv la: Nan yon ti tan ankò, pa gen pou lontan menm, Moun ki gen pou vini an ap vini. Li p'ap pran reta ankò. Moun mwen fè gras la ap viv, paske li gen konfyans nan mwen. Men, si l' vire do l' tounen fè bak, li p'ap fè kè m' kontan. Nou menm, nou p'ap fè tankou moun sa yo k'ap twenn dèyè, k'ap pèdi tèt yo. N'ap fè tankou moun ki gen fèm konfyans nan Bondye, moun k'ap delivre nanm yo.

Women 11:17–22

17 Si gen kèk branch ki kase, epi ou menm, ki te yon pye oliv sovaj, yo grefe ou nan mitan yo, e ou vin pataje avèk yo rasin lan ak grès pye oliv la,

18 pa vante tèt ou sou branch yo. Men si ou vante tèt ou, se pa ou menm ki pote rasin lan, men se rasin lan ki pote ou.

19 Alò, w ap di: Yo kase branch yo pou m ta ka grefe nan pye a.

Women 11:17-22

20 Se vre; se akòz enkrèyans yo te koupe yo, men ou menm, se paske ou gen lafwa ou kanpe. Pa ògeye, men gen lakrentif:

21 Paske si Bondye pa t epanye branch natirèl yo, veye pou li pa epanye ou tou.

22 Gade kidonk bonte ak severite Bondye: sou sa yo ki tonbe yo, severite; men sou ou menm, bonte, si ou rete nan bonte li a; otreman, ou menm tou, yo pral koupe ou.

1 Korentyen 9:24-27

Lè y'ap fè konkou pou wè kilès ki ka kouri pi vit, tout moun gen pou kouri. Men, se yon sèl ki gen premye pri a. Nou konn sa, pa vre? Enben, nou menm tou, kouri pou n' ka genyen kous la. Moun k'ap fè egzèsis pou al nan konkou, yo bay kò yo yon disiplen sevè pou yo ka byen pare. Yo fè tou sa pou yo ka genyen yon kouwòn ki p'ap konsève lontan. Men nou menm, n'ap bay kò nou yon disiplen sevè pou n' ka genyen yon kouwòn k'ap la pou tout tan. Se poutèt sa, m'ap kouri, men je m' pa soti sou kote pou m' rive a. Mwen tankou yon nonm k'ap tire koutpwen, men mwen pa tankou moun k'ap goumen ak lonbraj li. Mwen aji di ak kò m', mwen kenbe l' kout, pou mwen menm yo pa voye m' jete apre mwen fin moutre lòt yo sa pou yo fè.

1 Korentyen 10:1–12

1 Anplis, frè m yo, mwen pa vle nou pa konnen ke tout papa nou yo te anba nuaj la, e yo tout te travèse lanmè a;

2 Yo tout te batize pou Moyiz nan nuaj la ak nan lanmè a;

3 Yo tout te manje menm manje espirityèl la;

1 Korentyen 10:1-12

4 Yo tout te bwè menm bwason espirityèl la; paske yo t ap bwè nan woch espirityèl ki t ap swiv yo a, e woch sa a se Kris la.

5 Men, Bondye pa t kontan ak anpil nan yo, paske yo tonbe mouri nan dezè a.

6 Koulye a, bagay sa yo te vin egzanp pou nou, pou nou pa dezire bagay ki mal yo, jan yo menm yo te dezire yo.

7 Pa vin moun ki adore zidòl tankou kèk nan yo, jan sa ekri a: Pèp la chita manje ak bwè, answit yo leve pou yo amize yo.

8 Annou pa fè fònikasyon tankou kèk nan yo te fè, e yon sèl jou vennteleswa mil nan yo tonbe mouri.

9 Annou pa tante Kris la tankou kèk nan yo te tante l, e sèpan te detwi yo.

10 Pa babye tankou kèk nan yo te babye, e destriktè a te detwi yo.

11 Tout bagay sa yo te rive yo kòm egzanp, e yo ekri yo pou avèti nou, nou menm ki rive nan dènye tan yo.

12 Se poutèt sa, moun ki kwè li kanpe a, se pou l veye pou l pa tonbe.

2 Pyè 2:18–22

18 Paske lè yo pale gwo pawòl anfle ki pa vle di anyen, yo atire moun nan move dezi lachè, nan anpil debòch, moun ki te fenk chape kite sa k ap viv nan erè yo.

19 Yo ap pwomèt yo libète, men yo menm, se esklav lakorripsyon yo ye; paske moun se esklav sa ki venk li.

20 Paske si, apre yo fin chape anba salte lemonn nan grasa konesans yo gen de Senyè ak Sovè nou an, Jezi Kris, yo tounen mele ladan yo ankò, epi yo venk, dènye eta yo vin pi mal pase premye a.

2 Pyè 2:18-22

21 Paske, t ap pi bon pou yo si yo pa t janm konnen chemen jistis la, pase pou yo konnen l epi apre sa vire do bay kòmandman sen yo te bay yo a.

22 Sa ki rive yo a verifye pwovèb ki vre a: Chen an tounen manje sa li te vomi a ankò, e kochon femèl ki te lave a tounen woule nan labou a.

Jak 5:19-20

Frè m' yo, si yonn nan nou pèdi chemen laverite a, epi yon lòt frè mennen l' tounen ankò, konnen sa byen: lè yon moun pèdi chemen l' poutèt peche li yo, si yon lòt mennen l' tounen, se yon nanm li rache anba lanmò. Anmenmtan, li jwenn padon pou anpil peche.