Sura ya Pili

Ikumbatie neema. Dhana ya wokovu ni ya ajabu kweli. Nimegundua kwamba kusudi la Bwana kuhusu Injili limekwepa sehemu kubwa ya kanisa. Swali ni je, kanisa linajua kweli Injili ni nini? Ni jambo la kawaida kwa wengi kutafakari kifo, maziko na ufufuo wa Yesu Kristo, lakini Injili inakwenda mbali zaidi ya hayo.

Kabla hatujaingia katika ufunuo ambao Mungu ametupatia, ni muhimu nitangulize kusema kwamba Mungu wetu ni Mungu wa ajabu anayestahili kuheshimiwa kwa hofu na kustaajabiwa. Hakuna mtu wala kitu chochote kinachoweza kulinganishwa na utukufu wake na uweza wake. Hekima yake inapita mbali mantiki ya kibinadamu. Yeye si Mungu ambaye tunaweza kukaa chini na kumwelewa kikamilifu kwa akili zetu. Kwa kweli yeye ni ajabu kuu.

Ni moyo na nia ya Baba kwamba tuone Injili ni nini hasa. Wakati fulani, ilikuwa kawaida kwangu kusema kwamba tunapaswa kuuona wokovu kwa mtazamo wa Mungu; hata hivyo, nilirekebishwa na Baba. Aliniambia, “Hakuna mtazamo mwingine wa wokovu. Wokovu ni uzima wa Kristo katika mwili, lakini kuhusiana na nafsi, mwili unapaswa kuhesabiwa kuwa umekufa.” Hii ni kauli ya kina. Lakini maana yake kwa urahisi ni kwamba mwili si tu kwamba ni wa Mungu, bali pia ni kwa ajili ya matumizi yake. Haupaswi kutumiwa na nafsi yetu kutimiza tamaa mbaya zisizo halali, wala kufuatia mambo ya dunia hii. Pia ina maana kwamba hatupaswi kujitwalia mamlaka juu ya uongozi wa Roho Mtakatifu katika mwili. Baba anataka ijulikane kwamba yeye hakubaliani na maoni yoyote au mtazamo wowote wa Maandiko Matakatifu usioendana na Neno lake. Haijalishi tumetumikia imani zetu wenyewe kwa muda gani; ikiwa haziafikiani na ukweli, Mungu hatendi. Matendo 20:24 - Lakini hakuna jambo kati ya haya linalonitikisa, wala sihesabu uhai wangu kuwa wa thamani kwangu mimi mwenyewe, ili nimalize mwendo wangu kwa furaha, na huduma ile niliyoipokea kutoka kwa Bwana Yesu, kuishuhudia Injili ya neema ya Mungu.

KUMBATIA NEEMA KUMBATIA NEEMA

wayazingatie. Inasikitisha kusema kwamba kuna wachungaji na wahubiri wengi ambao kwa miaka mingi wamehudumu kwa jina la Mungu, lakini wakitumikia mafundisho yao ya uongo na mapokeo yao wenyewe. Kuna madhehebu mengi yanayogawanya kanisa, ilhali kweli ipo moja tu. Tusijivune kwa kiburi cha mioyo yetu wenyewe. Maandiko Matakatifu hujifafanua yenyewe. Mungu hatafunua kamwe maarifa yaliyo nje ya Neno lake. Kwa hiyo, ni lazima tutazame ndani ya Neno ili kuona linaweka nini kama dhana ya wokovu.

TAZAMA WOKOVU KWA MARA NYINGINE

Mungu alitangaza katika Neno lake kwamba vitu vyote viliumbwa kupitia Yeye na kwa ajili yake. Basi, watakatifu, hilo linajumuisha pia mwili. Ni mapenzi ya Baba kutumia miili yetu kwa ajili ya raha yake mwenyewe na kwa utukufu wake. Mwili uliumbwa kwa ajili yake.

Wagalatia 2:20

Nimesulubiwa pamoja na Kristo; lakini naishi; walakini si mimi tena, bali Kristo anaishi ndani yangu; na maisha ninayoishi sasa katika mwili, ninayaishi kwa imani ya Mwana wa Mungu, aliyenipenda, akajitoa mwenyewe kwa ajili yangu. Hadi sasa, huenda tumelisoma fungu hili la Maandiko Matakatifu mara elfu moja; hata hivyo, umuhimu wake bado upo. Kupitia fungu hili Paulo anaeleza dhana ya wokovu. Fikiria maneno yake:

Nimesulibiwa pamoja na Kristo:

Tumeuvua utu wa kale pamoja na matendo yake. Nafsi yetu ilitolewa nje ya mwili ili vyote viwili vife. Adamu aliumbwa kuwa nafsi hai. Hii ina maana tu kwamba mwili wake uliipa nafsi yake nafasi ya kujieleza hapa duniani. Nafsi yake ilionja uhai kwa sababu ilikuwa na mwili wa kuishi kupitia huo. Hata hivyo, Yakobo anatujulisha kwamba mwili usio na Roho umekufa. Kwa hiyo, kila kitu tulichokuwa kilisulubishwa wakati wa wokovu (utu wa ndani na utu wa nje). Mtu yule aliyekuwa hai hapo awali amekufa kifo cha kweli. Nafsi imeondolewa kutoka katika mwili, haitarudi huko kamwe.

Nadhani tunahitaji kuelewa jinsi kifo hiki kinavyohusiana na nafsi. Luka 17:33 Yeyote atakayetaka kuyaokoa maisha yake atayapoteza; na yeyote atakayeyapoteza maisha yake atayahifadhi.

Yohana 12:25

Mtu yeyote anayependa maisha yake atayapoteza, naye ayachukiaye maisha yake katika ulimwengu huu atayaokoa hata kwa uzima wa milele.

KUMBATIA NEEMA 9

Mistari hii miwili yote inaelekeza kwenye kupotea kwa maisha yetu ya Adamu wakati wa wokovu. Naam, utu wa kale ulikufa (huo mwili wa dhambi); lakini nafsi nayo pia ilikufa. Hata hivyo, nafsi ilibatizwa katika kifo chake (Yesu). Huku ndiko kuhifadhi maisha ya mtu. Nafsi hutunzwa au huhifadhiwa kwa ubatizo katika Roho Mtakatifu. Huunganishwa na Roho wa Mungu. Hivyo, huwa mpya na ya Mungu. Ni kiumbe kipya. Mambo ya kale yamepita, na mambo yote yamekuwa mapya, na yote yanatoka kwa Mungu (2 Wakorintho 5:17-18). Hata hivyo ninaishi;

Katika hatua hii nafsi inahuishwa tena kwa kuwekwa ndani ya Roho. Sasa nafsi inadhihirishwa kupitia Roho. Maandiko Matakatifu yanalieleza jambo hili vizuri sana; “‘Kwa kuwa katika yeye tunaishi, tunatembea na kuwa na uzima wetu.’ Kama baadhi ya watunga mashairi wenu walivyosema, ‘Sisi ni watoto wake.’” (Matendo 17:28), lakini si mimi. Nadhani hili ni mojawapo ya mambo muhimu sana katika andiko hili. Linaonyesha kwamba nafsi haiwekwi tena ndani ya mwili. Kwa hiyo nafsi haina haki ya kuishi ndani ya mwili wala kupitia mwili. Uzima ambao nafsi imeupata ni kwa Roho. Jambo hili huweka mtazamo wa wokovu.

Hakuna jambo lolote ambalo tunapaswa kuamua kulifanya katika mwili bila mwongozo wa Baba. Warumi 8:14 Kwa maana wote wanaoongozwa na Roho wa Mungu, hao ndio wana wa Mungu. Mungu hamtambui kuwa mwana mtu yeyote anayeishi maisha yaliyo kinyume na uongozi wake. Ni kwa kunyenyekea uongozi wa Kristo ndani yetu ndipo nafsi zetu zitaokolewa.

Kristo lazima aishi maisha kamili kupitia miili yetu, bila kizuizi cha mipango au maamuzi ya kinafsi. Wana wa Mungu lazima wakubali kwa dhati ukweli kwamba walikufa wakati wa wokovu. Hata hivyo, sababu iliyofanya wafufuliwe ni ili Kristo apewe nafasi ya kuishi kupitia mwili.

Fikra yoyote inayodokeza kwamba tuna mamlaka juu ya maisha yetu ni ya shetani, kwa sababu yote tuliyo ni ya Mungu na ni kwa ajili ya matumizi yake. “kwa maana mmenunuliwa kwa gharama. Kwa hiyo mtukuzeni Mungu katika miili yenu.” (1 Wakorintho 6:20).

Kwa hiyo, hatupaswi kuwa na lengo, tumaini, ndoto, ajenda, nia, au mpango wowote kwa maisha yetu ambao hauna mapenzi ya Kristo kwetu. Yesu lazima awe yule anayeishi kupitia mwili. Ni wajibu wa nafsi

KUMBATIA NEEMA KUMBATIA NEEMA 10

kuwa mtumishi asiye na faida, asiyepungukiwa na kitu. Hapa ndipo mahali pazuri pa kufafanua maana ya "kupungukiwa" (want) na "ufuska" (wantonness). Tuanze kwanza kulitazama neno ufuska: maana yake ni uasherati, uchafu au unajisi, tamaa zisizo halali na tamaa mbaya za mwili za kidunia.

Kutamani kunapofafanuliwa katika muktadha wa Agano Jipya, ni kinyume cha moja kwa moja cha kutosheka. Kwa kanisa, kutamani ni kielelezo cha kutoridhika. Ni udhihirisho wa tamaa mbaya. Zingatia vifungu vifuatavyo.

Wafilipi 4:11-13

11 Sisemi hivyo kwa vile nina mahitaji, la! Kwa maana nimejifunza kuridhika katika hali yoyote.

12 Ninajua kupungukiwa, pia ninajua kuwa na vingi. Nimejifunza siri ya kuridhika katika kila hali, wakati wa kushiba na wakati wa kuona njaa, wakati wa kuwa na vingi na wakati wa kupungukiwa.

13 Naweza kufanya mambo yote katika Kristo anitiaye nguvu. Nadhani fungu hili la Maandiko Matakatifu ni ufafanuzi mzuri sana wa kutosheka. Hata hivyo, ni mtazamo unaokataliwa na kanisa na viongozi wake wengi. Basi, neno "uhitaji" pia linaonyesha upungufu, yaani pengo ambalo Mungu hangeweza kulijaza katikati ya hali ya unyonge wa kimwili.

Lakini tusipoteze mwelekeo wa jambo tunalolizungumzia hapa. Mpango wa Bwana wa ukombozi na wokovu hauna njia mbadala za kidunia. Kutamani kupita kiasi mambo ya ulimwengu huu kunaonyesha kwamba nguvu ya Roho Mtakatifu anayekaa ndani yetu inatuacha tukiwa na upungufu au uhitaji wa aibu. Kama hilo lingekuwa kweli, basi kutembea katika Roho kungejaa uchungu na mfadhaiko. Kuwa na uhitaji ni kukana kwamba Roho wa Mungu ni Mfariji, kama Yesu alivyomtangaza. Ushuhuda wa Paulo ni kwamba tunaweza kufanya mambo yote katika Kristo, ambaye si tu anaishi ndani yetu, bali pia anatutia nguvu ili tustahimili uhitaji, wingi, shibe na njaa. Hii ndiyo haki ya Mungu inayodhihirishwa kupitia fundisho la kuridhika.

Hata hivyo, Paulo alitaka kuhakikisha kwamba Timotheo anasimama imara katika jambo hili wakati wa uchungaji wake huko Krete. Alijua kwamba kutakuwa na wanafalsafa na wahudumu wadanganyifu watakaopinga mafundisho ya Bwana wetu Yesu Kristo. Kwa hiyo, alimwandikia Timotheo hivi…

1 Timotheo 6:3-5

3 Mtu yeyote akifundisha mafundisho mengine, asiyekubali maneno yenye afya, yaani maneno ya Bwana wetu Yesu Kristo, na mafundisho yapatanayo na utauwa, hastahili kusikilizwa. Haijalishi kwamba wako wengine wanaopotosha mafundisho ya Kristo. Kweli haitabadilika kamwe.

UKUMBATIE NEEMA 11

Paulo anaendelea kusema, mtu kama huyo anayejiona kuwa mwenye hekima…

4 Yeye amejivuna, hajui kitu chochote, bali ana ugonjwa wa kupenda maswali na mabishano ya maneno, ambayo huzaa wivu, ugomvi, matukano, na tuhuma mbaya,

5 Mabishano potovu ya watu wenye akili zilizoharibika, na walionyimwa kweli, wakidhani kwamba faida ni utauwa; jitenge na watu kama hao. Popote palipo na mafundisho yanayoinua faida ya dunia kuwa ushahidi au kitovu cha utauwa, ondoka huko. Hili ni neno gumu kwa kanisa la leo. Limeng'ang'ana na faida. Karibu kila ujumbe huelekeza kwenye mali za dunia na/au majivuno ya bure ya aina fulani.

1 Timotheo 6:6 Lakini utauwa pamoja na kuridhika ni faida kubwa.

Hili ni neno la haki. Kuridhika na hali yoyote ambayo mtu anajikuta ndani yake ni kuishi katika faraja ya Roho Mtakatifu. Amani ya Roho haitishwi na hali wala mazingira. Furaha ya Roho haipunguzwi na mahusiano yenye mvutano; wala haki ya Roho haipimwi kwa hadhi ya kijamii na kiuchumi. Huu ndio utakatifu, na hakuna mbadala wake.

1 Timotheo 6:7-8

7 Kwa kuwa hatukuja humu duniani na kitu chochote, wala hatuwezi kutoka humu na kitu.

8 Na tukiwa na chakula na mavazi, tutosheke navyo. Mstari huu wa 8 unalikwaza kanisa; kwa maana unaharibu kabisa hali ya kutoridhika na tamaa ya mali. Mistari hii miwili inaelekeza tena macho ya mwana wa Mungu kwenye safari yake ya ugeni. Inamkumbusha kwamba yeye ni mgeni tu anayepita katika ulimwengu huu; hakuleta kitu chochote ndani yake, na hatachukua kitu chochote kutoka humo. Yesu alisema hivi… Msijiwekee hazina duniani, ““Msijiwekee hazina duniani, mahali ambapo nondo na kutu huharibu, nao wevi huvunja na kuiba. Lakini jiwekeeni hazina mbinguni, mahali ambapo nondo na kutu haviharibu, wala wevi hawavunji na kuiba.” (Mathayo 6:19-20). 1 Timotheo 6:9-10

9 Lakini wale wanaotaka kuwa matajiri huanguka katika majaribu na mtego, na katika tamaa nyingi za kijinga na zenye kudhuru, zinazowazamisha watu katika uharibifu na upotevu.

10 Kwa maana shina la mabaya yote ni kupenda fedha; ambayo wengine wakiitamani, wamepotea mbali na imani, wakajichoma wenyewe kwa maumivu mengi.

Nadhani tunapaswa kuonyesha hapa kwamba Paulo anamzungumzia mtu anayeazimia kuwa tajiri. Hii ina maana kwamba utashi wake umeelekezwa kikamilifu katika kupata utajiri wa ulimwengu huu. Ataacha kusudi la kiroho; na katika

UKUMBATIE NEEMA 12

akilini mwake, kuridhika kwa kimungu hakuna mantiki. Kanisa kwa kweli limeoshwa akili hata likafikiri kwamba kusudi pekee la Mungu katika wokovu lilikuwa kutufanya matajiri katika ulimwengu huu. Eti tunapaswa kuwa kichwa wala si mkia.

1 Timotheo 6:11-14

11 Lakini wewe, mtu wa Mungu, yakimbie mambo haya yote. Fuata haki, utauwa, imani, upendo, saburi na upole.

12 Pigana vile vita vizuri vya imani. Shika uzima wa milele ambao ndio ulioitiwa ulipokiri ule ukiri mzuri mbele ya mashahidi wengi.

13 Nakuagiza mbele za Mungu avipaye vitu vyote uhai, na mbele za Kristo Yesu ambaye alipokuwa anashuhudia mbele ya Pontio Pilato alikiri ukiri mzuri,

14 uishike amri hii bila dosari wala lawama mpaka kuja kwake Bwana wetu Yesu Kristo,

Utauwa pamoja na kutosheka ni amri, si chaguo kwa kanisa. Watu wengi zaidi wanaosikia ukweli wanazidi kuachana na mafundisho ya mafanikio yasiyosaidia chochote kuokoa nafsi. Wanaume na wanawake wa Mungu wanatafuta ukweli utakaowawezesha kumpendeza Mungu. Kuna wale walio katika mwili wa Kristo wanaoanza kutamani haki, na wako tayari kuacha mambo ya ulimwengu huu ili kuipata. Huu ndio unyenyekevu ambao Mungu anaudai. Ni pale tu tunapojinyima kabisa mambo ya ulimwengu ndipo tutakapoonekana kuwa watumishi wema na waaminifu. Bali Kristo anaishi ndani yangu.

Kristo ameingia ndani ya miili yetu na kuipa uzima ili itumiwe na Baba. Yeye ndiye mtu mpya. Tayari ameushinda ulimwengu na makwazo yake. Yeye ndiye neema ambayo Mungu ametupa. Yeye ndiye nguvu ya ushawishi iliyo ndani ya mioyo yetu, inayoonekana katika maisha tunayoishi mbele ya watu. Wapendwa, acheni kushindana na Maandiko Matakatifu; kwa maana ni uzima, tena uzima tele. Ikumbatieni neema.