Maandiko Matakatifu ya Rejea: Maandiko haya yanatukumbusha kwamba unaweza kupoteza wokovu wako

Waebrania 3:6

Lakini Kristo ni mwaminifu kama Mwana katika nyumba ya Mungu. Sisi ndio nyumba yake, kama tutashikilia sana ujasiri wetu na tumaini tunalojivunia.

Waebrania 3:12-14

Ndugu zangu, angalieni, asiwepo miongoni mwenu mtu mwenye moyo mwovu usioamini, unaojitenga na Mungu aliye hai. Lakini mtiane moyo mtu na mwenzake kila siku, maadamu iitwapo Leo, ili asiwepo hata mmoja wenu mwenye kufanywa mgumu kwa udanganyifu wa dhambi. Kwa kuwa tumekuwa washiriki wa Kristo, kama tukishikamana tu kwa uthabiti na tumaini letu la kwanza hadi mwisho.

Waebrania 6:4-6

Kwa kuwa ni vigumu kwa wale ambao wakati fulani walishapata nuru, ambao walishaonja kipawa cha mbinguni, ambao wamekwisha kushiriki katika Roho Mtakatifu, ambao wameonja uzuri wa Neno la Mungu na nguvu za wakati ujao, kisha wakianguka, kuwarejesha tena katika toba. Kwa kuwa wanamsulubisha Mwana wa Mungu mara ya pili na kumdhalilisha hadharani, nayo ikawa hasara kwao.

Waebrania 10:26–29

26 Kwa maana tukitenda dhambi kwa makusudi baada ya kupokea ujuzi wa ile kweli, hakuna tena dhabihu iliyobaki kwa ajili ya dhambi,

27 bali kuna kungojea hukumu kwa hofu, na ukali wa moto utakaowateketeza wapinzani.

Waebrania 10:26-29

28 Mtu aliyeidharau sheria ya Musa alikufa bila rehema kwa ushahidi wa mashahidi wawili au watatu.

29 Mnadhani ni adhabu iliyo kali kwa kiasi gani zaidi atakayostahili yule aliyemkanyaga Mwana wa Mungu, na kuihesabu damu ya agano ambayo kwa hiyo alitakaswa kuwa kitu najisi, na kumtendea jeuri Roho wa neema?

Waebrania 10:35-39

Kwa hiyo msiutupe ujasiri wenu, kwa maana una thawabu kubwa mno. Inawapasa kuvumilia ili mkiisha kufanya mapenzi ya Mungu mpate kile alichoahidi. Kwa kuwa bado kitambo kidogo tu, “Yeye ajaye atakuja wala hatakawia. Lakini mwenye haki wangu ataishi kwa imani. Naye kama akisitasita, sina furaha naye.” Lakini sisi hatumo miongoni mwa hao wanaositasita na kuangamia, bali tuko miongoni mwa hao wenye imani na hivyo tunaokolewa.

Warumi 11:17–22

17 Na ikiwa baadhi ya matawi yalivunjwa, nawe, ukiwa mzeituni mwitu, ulipandikizwa kati yao, ukashiriki pamoja nao shina na unono wa mzeituni;

18 Usijisifu dhidi ya matawi. Lakini ukijisifu, wewe hulichukui shina, bali shina ndilo linalokuchukua wewe.

19 Utasema basi, Matawi yalivunjwa ili mimi nipandikizwe.

Warumi 11:17-22

20 Ni kweli; kwa sababu ya kutokuamini walikatwa, nawe unasimama kwa imani. Usijivune, bali uogope:

21 Kwa maana, ikiwa Mungu hakuyahurumia matawi ya asili, jihadhari asije asikuhurumie wewe pia.

22 Basi, tazama wema na ukali wa Mungu: kwa wale walioanguka, ukali; bali kwako wewe, wema, ukidumu katika wema wake; la sivyo, wewe pia utakatwa.

1 Wakorintho 9:24-27

Je, hamjui kwamba katika mashindano ya mbio wote wanaoshindana hukimbia, lakini ni mmoja wao tu apewaye tuzo? Kwa hiyo kimbieni katika mashindano kwa jinsi ambavyo mtapata tuzo. Kila mmoja anayeshiriki katika mashindano hufanya mazoezi makali. Wao hufanya hivyo ili wapokee taji isiyodumu, lakini sisi tunafanya hivyo ili kupata taji idumuyo milele. Kwa hiyo mimi sikimbii kama mtu akimbiaye bila lengo, sipigani kama mtu anayepiga hewa, la, bali nautesa mwili wangu na kuutumikisha ili nikiisha kuwahubiria wengine, mimi nisiwe mtu wa kukataliwa.

1 Wakorintho 10:1–12

1 Basi, ndugu zangu, sitaki msijue kwamba baba zetu wote walikuwa chini ya lile wingu, na wote walipita katikati ya bahari;

2 na wote walibatizwa katika Musa ndani ya lile wingu na ndani ya bahari;

3 na wote walikula chakula kile kile cha kiroho;

1 Wakorintho 10:1-12

4 Wote wakanywa kinywaji kile kile cha rohoni; kwa maana walikunywa kutoka katika Mwamba wa rohoni uliowafuata; na Mwamba ule ulikuwa Kristo.

5 Lakini Mungu hakupendezwa na wengi wao; kwa maana waliangushwa jangwani.

6 Basi mambo haya yalikuwa mifano kwetu, ili tusitamani mabaya, kama wao walivyotamani.

7 Wala msiwe waabudu sanamu, kama baadhi yao walivyokuwa; kama ilivyoandikwa, Watu walikaa kula na kunywa, wakasimama kucheza.

8 Wala tusizini, kama baadhi yao walivyozini, wakaanguka watu elfu ishirini na tatu siku moja.

9 Wala tusimjaribu Kristo, kama baadhi yao nao walivyomjaribu, wakaangamizwa na nyoka.

10 Wala msinung'unike, kama baadhi yao nao walivyonung'unika, wakaangamizwa na mwangamizi.

11 Basi mambo haya yote yaliwapata wao ili yawe mifano, nayo yaliandikwa ili kutuonya sisi, ambao miisho ya ulimwengu imetufikia.

12 Kwa hiyo yeye anayedhani kwamba amesimama, aangalie asianguke.

2 Petro 2:18–22

18 Kwa maana wakinena maneno makubwa ya majivuno matupu, huwarubuni kwa tamaa za mwili, kwa ufuska mwingi, watu ambao wamekwisha kuepuka kabisa kutoka kwa wale wanaoishi katika upotovu.

19 Huwaahidi uhuru, nao wenyewe ni watumwa wa uharibifu; kwa maana mtu akishindwa na kitu fulani, huwa mtumwa wa kitu hicho.

20 Maana ikiwa, baada ya kuepuka uchafu wa ulimwengu kwa kumjua Bwana na Mwokozi Yesu Kristo, wakinaswa tena ndani yake na kushindwa, hali yao ya mwisho huwa mbaya kuliko ya mwanzo.

2 Petro 2:18-22

21 Maana ingekuwa afadhali kwao kutoijua njia ya haki, kuliko kuijua kisha kuipa kisogo amri takatifu waliyokabidhiwa.

22 Lakini imewapata sawasawa na methali ya kweli, Mbwa hurudia matapishi yake mwenyewe; na nguruwe jike aliyeoshwa hurudi kugaagaa matopeni.

Yakobo 5:19-20

Ndugu zangu, yeyote miongoni mwenu akipotoka na kuicha kweli, naye akarejezwa na mtu mwingine, hamna budi kujua kwamba yeyote amrejezaye mwenye dhambi kutoka upotovu wake, ataiokoa roho ya huyo mwenye dhambi kutoka mauti na kusitiri wingi wa dhambi.