පොත

Chapit 5: Se pa fòt ou

වචන 493ක්, කියවීමට මිනිත්තු 2ක් පමණ

Sonje Jezi te di: “Nou se pitit papa nou ki se dyab la, e dezi papa nou se yo nou vle fè.” (Jan 8:44). Kò ou vin tounen manifestasyon yon espri inikite. Ou pa jis ap aji tankou yon gason oswa yon fanm, men ou pran pèsonalite sèks opoze a. Ou gen kò yon gason, men nanm ou te pèvèti pa yon espri sodomi (espri ki pèvèti gason an); an reyalite ou santi ou tankou yon fanm. Ou gen dezi yon fanm. Ou renmen bagay ki pou fi, e plis pase tout, ou renmen atansyon lòt gason.

Menm bagay la vre tou pou fanm ki gen nanm li pèvèti pa Satan. Ou menm tou, ou pa ap fè konmsi ou se yon gason, ni ou pa ap eseye vin tounen yon gason. Ou pran sou ou espri yon gason. Li rete andedan ou. Li fè ou santi ou gen yon fòm maskilen, tankou yon gason. Li fè ou anvi gen relasyon seksyèl ak fanm. Men espri omoseksyèl yo rizé anpil nan fason yo kenbe moun prizonye.

SE PA FÒT OU

Yo pral fè bèl fanm tounen yon lezbyèn san yo pa chanje aparans li pou li sanble ak yon gason. Sèl bagay ki gen manyè gason nan li se lefèt li anvi fè sèks ak lòt fanm.

Yo kite kèk gason kenbe maskilinite djanm yo tou, jan nou wè sa ak jwè foutbòl ameriken, chofè kamyon, ouvriye konstriksyon, ak selebrite. Sèl lè kaptivite yo devwale se lè yo nan kabann ak yon lòt gason.

Men sa pa fòt ou. Sonje, se move dezi Satan yo ou pral fè.

Espri omoseksyèl yo bay yon souf ki soti nan yo ki fè lòt moun santi prezans sèks yo ap eseye montre a. Pa egzanp, yon fanm ki gen bèl karakteristik fi ki byen vizib, men ki anba move enfliyans sa a, ap fè lòt moun santi yo tankou si yo te nan prezans yon ti gason oswa yon gason. Poukisa? Repons lan se paske espri sa yo antre nan kò a ak yon karaktè. Sa mond lan ak legliz la rele manyè, se an reyalite karaktè espri omoseksyèl ki posede kò a. Ankò, mwen di: “Se pa fòt ou.”

Menm lè ou deside pa fè rankont seksyèl pèvèti ankò, manyè oswa karaktè espri sa a rete menm jan an. Se sa pouvwa espri Satan an ye. Li fè fason li yo (karaktè oswa manyè li yo) vin natirèl pou ou.

Nan lespri ou, ou santi ou tankou si ou nan yon kò ki pa pou ou. Si ou se yon gason, ou vrèman santi ou tankou si ou gen nanm yon fanm. Si ou se yon fanm, ou vrèman santi ou tankou si ou gen nanm yon gason. Menm kondanasyon pa gen ase pouvwa pou chanje santiman sa yo. Santiman sa yo se manifestasyon kaptivite ou. Ou pote imaj egzak moun ki kenbe ou prizonye a. Kò ou se tanp Satan.